todalas empanadas galegas

RECEITA DA EMPANADA



Ingredientes:

Para a masa:
½ Litro de auga
2 ovos
1 vaso de leite
1vaso aceite colado do sofrito
½ cullerada de sal
1 ½ Kg. de fariña
20 g. de Levadura

Amasado:

Xuntar na amasadora, a auga, os ovos, o leite e a sal. Engadirlle poco a pouco parte da fariña, mesturar a levadura nun pouco de fariña e botarlla cando comence a coller corpo. Finalmente engadir o vaso de aceite do sofrito, seguir amasando, poñendo fariña pouco a pouco ata acadar una masa branda, elástica e que non se pegue na máquina nin nas mans. Facer dóus bolos e deixar descansar uns quince minutos.

Para o sofrito:
5 cebolas medianas
4 dentes de allo
2 porros
2 pementos
¾ l. de aceite de oliva
¼ l. de viño albariño
1 cullerada de pimentón
2 papeis de azafrán
½ cullerada de sal

Proceso:

Nunha tixola có aceite moi quente, botar os allos, a cebola, os porros e os pementos, picados finamente, deixándoos que se pochen moi ben, a fogo lento. Botarlle o viño, a sal, o pimentón e o azafrán e deixar ferver uns 10 minutos máis. Estirar un dos bolos da masa cun rolo de madeira sobor duna superficie plana enfariñada e darlle a forma da empanadeira a utilizar.
Pintar de aceite a empanadeira e colocar en ela a masa estirada.
Reservar medio vaso de mollo colado e extender o sofrito na masa estirada.
Encher uniformemente por riba do sofrito o ingredente base da empanada (Exemplo: atún, mexilóns, polbo, berberechos, zamburiñas, vieiras, xoubas, bacallau con ou sen pasas, carne de polo, pavo, terneira...Etc. etc.).
Estirar o outro bolo de masa e tapar con él a empanada, mollando antes os bordes da masa con unha brocha mollada en auga, e logo presionalos con un garfo para que se peguen as dúas partes po lo arredor.
Recortar a masa sobrante, facendo con ela tiriñas finas coas que adornar a empanada. Facer un furo do tamaño dunha moeda no centro da tapa, pinchar toda a tapa cun garfo e meter no forno a 200º C. Sacar os 20 minutos e darlle brilo cunha brocha, utilizando o mollo que reserváramos. Botar un pouco de mollo polo furo da tapa, si o admite. Meter de novo no forno por aproximadamente outros 20 minutos.